السلام عليكم ورحمة الله وبركاته
لو سمحت ياجماعة افيدونى ضرووورى جدا
عملى انتقل من الاسكندرية الى القاهرة بجانب ميدان التحرير
ليا 4 ايام فالقاهرة من الاحد للاربعاء ومش عارف اقعد فى فندق ولا اخد شقة صغيرة حتى لو غرفة واحدة وفين وبكام ؟؟؟؟
انا اخرى 1000 فى الايجار اتصرف ازااى الله يباركلكم
1000 صعبه لانك طالب شقه ايجار في وسط البلد
حلها يا تشوف لوكانده و مش امان و لا مضمونه يا تتنازل و تسكن بعيد عن وسط البلد
ممكن لو شقة غرفة واحدة حتى واييه اقرب مكان ليا او حتى تبقى المواصلات اليه سهلة .. وشكرا لرد حضرتك
ممكن تشوف حاجه بجانب خطوط المترو
1- السيده زينب , منطقه شعبيه و اعتقد هتلاقى و كمان قريبه جدا من التحرير , ممكن مشى لو المترو واقف
2- المعادى
3- ممكن تشوف ناحيه جامعه القاهره فى شقق الطلبه و برضه هاتكون على المترو
الا لو شغلك يتطلب انك فى التحرير 24 ساعه , دى حاجه تانيه
ممكن برضه الزمالك , اسمع عن غرفه فوق السطح بس بتبقى اغلى من كده (حاجه زى عماره يعقوبيان )
لا مش 24 ساعة شغلى من 9ل3 بس والله متحير ابدا باى منطقة :(
يعني اخرك 250 في الليله
استني عليا هظبطك
ممكن تكلمني انا احمد01111115933
اﻻخ الكريم الفاضل
كما نصحك اﻻخ الفاضل اﻻستاذ محمد طه
اي مكان قريب من المترو ومنه للتحرير مباشرة وابعد عن وسط البلد
بالنسبة للمعادي بكل اسف ال 1000 ميجبوش شقة لكن فيه في حدائق المعادي وممكن قريب من المترو
طيب حضرتك شايف انزل ادور بنفسى ولا انزل عالسماسرة ولا فى الاعلانات مثلا ؟؟؟
منصحكش تنزل علي مجرد إعلانات أو من خلال سمسار ممكن في الحقيقة الشقة متعجبكشاقتباس:
المشاركة الأصلية كتبت بواسطة adel1414
ممكن تشوف أي لوكاندة لمدة يومين لحد متكون دورت علي شقة ,او يستحسن لو تعرف حد في القاهرة يشوفلك هو شقة جمبة بالمواصفات المطلوبة
شوف بيت الشباب اللى فى المنيل مؤقت على ما تلاقي حاجة
بس برضو حرص على حاجتك
انزل محطه مترو روض الفرج بشبرا مصر وشوف اى حاجه ايجار جديد
فى اى اراء تانية ياجماعة ؟؟؟
السيدة زينب